Hai bang JTmor, kabar baik?
Semoga iya ye, karena aye tau sakit itu kagak enak, apalagi sakit hati. Eh, gak mungkin juga sih abang bisa sakit, pan rajin noh nge-gym di Celebrity Pitness, iya pan?
Oiya, kaget gak bang dapet surat dari aye? Kalau aye sih juga kaget kenapa tiba - tiba pengen nulis ini buat abang. Kagak tau kenape, mungkin ini konspirasi semesta bang. #halah Yaude, gak usah dibawa serius ye bang, pan ini surat cinta, isinya harus nyang berhubungan dengan cinta - cintaan gitu dee. Etapi kite jangan cinta - cintaan juga kali ye bang, aye kagak jomblo, udah punya aa dokter noh yang sekarang masih ada jam jaga di RS sampai magrib nantik. Sedih bang, aye sama si aa dokter harus LDR Jogja - Bandung gitu. Sedih kan ye bang? Iyain aja.
Oke bang, tadi ntu nyang diatas cuma prolog aja, ini nih ini surat nyang sebenernye, disimak ye ....
Dear bang JTmor,
Sebelumnye aye mau nanya bang, abang ade hubungan ape sama bininye mantan-calon-suami-impian aye si Vino Bastian ntu? Sodaraan? Atau ape gitu? Kagak tau ye? Apalagi aye bang. Cuman penasaran aje kenapa name kalian sama - sama Timothy. Ude itu aje. Oke bang, ini garing, lupain aje. Fried me into microwave, please!
Bang JTmor,
Ude pernah denger program #30HariMenulisSuratCinta? Itu ntu, program surat - surat'an nyang keren ntu dari @PosCinta. Coba deh ikutan bang, seru! Dan kali ini ni tema nulis suratnye tentang "selebtwit", jadinye nulis surat buat selebtwit nyang menginspirasi. Nah, aye milih abang nih sebagai selebtwit nyang menginspirasi aye. Selain karena pollower abang nyang udah banyak bet, sampai 500000 gitu ye bang, twit - twit abang juga selalu menarik perhatian aye, selalu menginspirasi aye buat belajar sabar terutama. Sabar nanggepin twit abang maksudnye Hehehee.. Seneng kagak bang aye idolain macam ni?
Bang JTmor,
Kenapa sik bang demen amat tuh ngomongin politik? Demen twitwar gitu tentang politik? Kagak capek ape bang? Pan kesian kalau abang sampai capek, trus sakit, trus stress, ntar aye juga nyang sedih sebagai pens nya abang. Jangan terlalu serius ye bang, aye juga kagak mau diseriusin kok. Soalnye nih nyang boleh nyeriusin aye cuma si aa dokter aje.
Bang JTmor,
Biasanye abang suka nongkrong dimane nih selain di Starbucks sama cafe - cafe sosialita lainnye? Pengen nih skali - kali aye nyamperin abang gitu. Kopdar lah bang, kopdar. Istilah gaulnye anak - anak twitter ntu. Pengen deh aye ikut ngobrol - ngobrol same abang, ngobrolin ape aje deh, tapi jangan masalah politik yes bang, otak aye kagak nyampe situ. Aye cuma ngerti masalah hati dan perasaan doang sih, sama itung - itungan uang bulanan dari gaji. Ude itu aje. Boleh kan ye bang kapan - kapan kita kopdar gitu? Pasti aslinye abang ganteng bet deh. Udah rajin pitnes, jago politik, udah hampir keliling ke 50 negara gitu, wuuuu RUAAARRR BIASAAA! Aye kagum bang! Cungguh! Etapi kalau mau kopdar di cafe - cafe nyang biase aje ye bang, aye kagak ade modal banyak nih, makan aje kadang nebeng di warung depan. Pedih bet, pedih!
Bang JTmor,
Udah gitu aje kali ye bang surat cinta ane ni. Inti dari segala keribetan diatas ntu sih pokoknya aye ngepens sama abang. Jangan diblock ye bang kalau ane komen macem - macem ke twit abang. Ntar aye kagak bisa lagi deh stalking'in poto - poto abang nyang kece - kece ntu. Oke bang?
Oiya bang, kalau ade waktu ni, disela - sela kesibukan sebagai The Duke Of Twitterland, boleh lho abang bales surat aye ni. Bales pake apapun juga boleh bang, apalagi kalau balesnya pake iPhone 5 nya bang nyang banyak ntu, wuuuih, aye bakal terime dengan senang hati bang! Ntar selanjut - lanjutnye kalau mau ngobrol same aye, boleh di DM kok bang, tapi folbek aye dulu bang, akun aye @lionychan nih bang. Diinget ye ;)
Oke bang JTmor,
makasiiii banyak ye udah mau baca surat aye ini. Skali lagi, ini surat cinta aye bang, kagak ade maksud ape - ape selain untuk membagi cinta aye nyang luber - luber ni. Kalau ade salah salah kate, aye mintak maap ye bang, lain dari ntu pastik masih hasil dari konspirasi semesta. Pastik itu!
Adios Amigos Gigi Stronggos,
Bye!
-@lionychan-
#30HariMenulisSuratCinta Hari #2